Конкурс за избор на зет и невеста за Галичка свадба 2024
Драги наши,
Започнуваат подготовките за Галичка свадба 2024!
И на годинешните зет и невеста ќе им ја направиме свадбата незаборавна што оваа година ќе се одржи од 12 до 14 јули, притоа чувајќи ги од заборав нашите единствени свадбени обичаи! Ги каниме сите вљубени двојки кои сакаат да си дадат завет пред Бога за Петровден, најдоцна до 30.04.2024 да се пријават на електронската адреса mzgalichnik@gmail.com испраќајќи e-mail со назнака “За избор на зет и невеста”. Нека ни пишат некој збор зошто сакаат да бидат токму тие младоженците годинава и нека ни испратат фотографии.
Предност ќе имаат оние кандидати кои имаат:
- Потекло од Галичник (двајцата или едниот),
- Искуство во учество на Галичка свадба во друга улога,
- Учество во активностите на Месната заедница,
- Ова да им е прв црковен брак.
Одлуката за избор на зет и невеста ќе ја донесе Советот на Месната заедница Галичник и ќе ја објави најдоцна до 31.05.2024 на веб страницата на Галичник и на официјалниот ФБ профил на МЗ Галичник.
Аирлија нека ни е!
