Skip to content Skip to left sidebar Skip to footer

Tag: невеста

Конкурс за избор на зет и невеста на “Галичка Свадба 2026”

КОНКУРС ЗА ИЗБОР НА ЗЕТ И НЕВЕСТА ГАЛИЧКА СВАДБА 2026

Со особена чест и чувство на одговорност кон традицијата, Месната заедница Галичник го најавува почетокот на подготовките за Галичката свадба 2026 и објавува КОНКУРС ЗА ИЗБОР НА ЗЕТ И НЕВЕСТА.

Галичката свадба не е само настан – таа е живо културно наследство, завет и спомен што се пренесува низ генерации. И во 2026 година, на петровденскиот викенд, Галичник повторно ќе заживее со свадбени поворки, песна, ора, бајрак и свечено руво, славејќи ја љубовта преку вековните обичаи.

Ги покануваме сите заинтересирани парови кои сакаат својата љубов да ја крунисаат со венчавка во Галичник, на Петровден, и да дадат завет пред Бога и традицијата – да се пријават на конкурсот за избор на зет и невеста за 2026 година.

Рокови:

Пријавувањето трае до 19.02.2026

Одлуката ќе биде соопштена во март 2026 година

📩

Начин на пријавување: Заинтересираните парови треба да испратат е-пошта на mzgalicnik@gmail.com со наслов: „За избор на зет и невеста – Галичка свадба 2026“, во која накратко ќе ја споделат својата приказна и мотивација.

📌

При изборот, предност ќе имаат парови кои:

  • Имаат потекло од Галичник (двајцата или еден од партнерите)
  • Претходно биле дел од Галичката свадба во друга улога
  • Се активни и ангажирани во рамки на месната заедница

За кои ова ќе претставува прв црковен брак Деталните услови и потребната документација ќе бидат објавени со официјалниот конкурс. Месната заедница Галичник ги охрабрува сите парови што со почит, искреност и љубов ја чувствуваат оваа традиција – да се пријават и да станат дел од една од најзначајните културни манифестации во Македонија.

🎊

Аирлија нека ни е – и со среќа!

Избор на зет и невеста за Галичка Свадба 2025

Почитувани,

Со особена чест и задоволство ги објавуваме овогодинешните зет и невеста за Галичката свадба 2025 – Јован Филипоски и Лилјана Михајлоска!

Јован, потомок на галичкото семејство Филипоски, уште како дете чекорел низ Галичник облечен во носија, сонувајќи еден ден да ја води свадбата. Од најрана возраст активно учествува во сите обичаи.

Неговата избраничка, Лилјана, веќе ја почувствувала магијата на Галичката свадба во 2022 година и ова лето ќе заигра во улогата на невеста – со срце полно љубов и почит кон традицијата.

Зетот и Невестата – Симбол на Љубовта и Традицијата

Во срцето на Галичник, под сенката на Бистра, секое лето љубовта добива посебна форма. Зетот и невестата не се само млад пар – тие се симболот на вековната традиција, на непрекинатото предание што низ генерации се пренесува со чест и гордост.



Тие чекорат низ Галичник не само како двајца вљубени, туку како чувари на обичајот. Секое движење, секој поглед, секоја песна – сè е длабоко вкоренето во духот на Галичник.

Манукот ја носи гордоста на предците, додека мануката со раскошната носија ја раскажува приказната за момичките од овие планински височини – достоинствени, вредни, горди и полни со љубов. Заедно, тие не се само пар – тие се огледало на Галичник.

Во нивниот поглед се препознаваат љубовта и ветувањето дека традицијата ќе продолжи. И токму затоа, секој што ќе ги види, не гледа само свадба – туку гледа историја што живее.

Да се ќердосает, од небо да им врне од земја да им никне!

Аирлија Галичка Свадба 2025!

Со почит,

Огнен Караѓозовски

Престедател

Месна заедница Галичник
www.galichnik.com.mk
image.png

Одлука за избор на невеста и зет за Галичка свадба 2023

Драги галичани и љубители на Галичник,

Со голема радост Ви соопштуваме дека по објавениот конкурс за избор на невеста и зет на Галичка свадба 2023 година, советот на МЗГ го избра среќниот пар. Овогодишен зeт е Оливер Андреевски, со потекло од галичката фамилија Шулески, долгогодишен учесник на галичка свадба како и дел од организацијата на повеќе настани во Галичник, додека невестата е Елисавета Булоска со потекло од Охрид. Парот ги исполнува сите потребни услови за учество во галичката свадба.
Нека се вечно среќни и бериќетни, да се ќердосает! Годинава на венчавка, вгодина на крштевка!

За многу години да им е љубовта и среќата!